[28/09 4:58 PM] جروب للأطفال: 💡استعنا بالله..
و انتى لسه بعقلك و قبل ما يبلغوا عنك مستشفى الكلب علشان بتعضى العيال , قبل ما ولادك يبقى شبه الوزه المنتوفه من كتر ما بتشدى شعرهم , و قبل ما تبقى صيحة الرجل الاخضر هى الصوت الرسمى فى بيتكم بمناسبه دخول المدارس أنا حستغل لحظاتك الاخيره و انتى لسه عندك شويه عقل و نتكلم سوا ..
- أنتى ست متعلمة و عارفه كويس جدا جدا أن المرحلة الوحيده اللى فارقه فى التعليم هى الثانويه العامية .. يبقى لا تانيه حضانه و لا رابعه ابتدائى و لا اولى اعدادى فارقين اى حاجه فى مستقبل ابنك بلاش بقا طلعة امنا الغوله اللى بتطلعيها لما ينقصوا درجه املاء و لا معتقلات التعذيب اللى بتعمليها لما ينقصوا درجتين تلاته ماث .. عااااااااااااااادى جدا دول لسه بيتعلموا و علشان يتعلموا لازم يغلطوا
- فيه حاجة أسمها فروق فردية مش كل الناس زى بعض يعنى أبنك مش موكوس علشان جاب 8 من 10 و مجابش الدرجه النهائيه زى ابن صاحبتك .. ده شىء طبيعى و لا لازم يجيب زى أخته الاروبه اللى مكانتش بتنقص ربع درجه ..أبنك أأدب من اللى بتقارنيه بيهم أو أطيب أو احسن فى الرياضه كل واحد له رزقه و مش معنى أنه مش بيجيب الفول مارك انه بليد ..أبدا ممكن لما يكبر يبقى أشطرهم حاسبى ولادك هل عملوا اللى عليهم ذاكروا فعلا لو كده مش مهم الدرجه اللى جاب الدرجه النهائيه زى اللى جاب درجه النجاح كله ناجح و منقول ..أعصابك يا حبيبتى متكرهيش ولادك فيكى .
- فيه ناس بتذاكر من الصيف و فيه ناس مش بتذاكر خالص .. خليكى فى حالك و ظبطى امورك على حسب طاقتك و طاقه ولادك و ظروف بيتك مش مهم الناس بتعمل ايهه متتوتريش علشان غيرك خلص المنهج و بيراجع أهدى و امشى براحتك المهم تنظمى وقتك صح و ولادك يبقوا مبسوطين .
- جوزك ده متجوزك بشرع ربنا صيف شتا مينفعش تقطعى علاقتك بيه علشان المدارس جت ..أنا عارفه طلباته الغريبه اللى بتحبك ايام المدارس بس و الله و لادك حيبقى نفسيتهم احسن لما يتعاملوا معاه ايام الدراسه و يلاقوكى معترفه بيه .. ملحوظه : ده مش معناه ابدا انه يذاكر لهم
- الدكتور زى المحامى زى المهندس زى دبلوم التجارة ..كلهم مش لاقيين شغل متحرقيش قلبك اوى انتى هدفك أنهم يتعلموا لنفسهم و انك متبقيش قصرتى معاهم بس برضه متعرفيش ربنا شايل لهم خير ايه .. دول حبايب قلبك اللى ملكيش غيرهم و فى الاول و الاخر و رغم كل سخافاتهم دول اطفال .. بالراحة عليهم
- أخر حاجه اديكى انتى يا كبيره يا عاقله شايفه المنهج بغباوته و انتى نفسك مش عارفه تفهميه بتزعقى ليه بقا دول عيال و الله العظيم و غلابه مدارس منيله و مناهج مزفته و المدرس حتى اللى عند ضميرمش لاحق يشرح .. يبقى الرحمه تبقى من عندنا احنا بقى العيال حتلاقيها منين و لا منين بس.
كل سنة و أنتوا طيبين و عام دراسى سعيد بأذن الله
#رحاب_الجندى
[28/09 4:58 PM] جروب للأطفال: دى نصيحة بداية العام الدراسى الجديد ﻻحلى أمهات وكل سنة وانتو اولادكو طيبين 😄😄
مرتاحين البال متهنيين
من غير هم امتحانات ودرجات ودروس وسنترات
يسروا ولا تعسروا
هونى على نفسك وعلى ولادك
احنا مش داخلين ماراثون درجات
والكلام لﻻمهات فى جميع المراحل الجامعية بما فيها الثانوية العامة والجامعة ..
صححى نيتك ونية ولادك
وصححى المتابعة كمان يعنى صفة العمل عشان ماتضحكيش على نفسك وتقولى بعلمهم عشان ينفعوا المسلمين ﻻن اغلب مناهجنا معدة لغسيل المخ وتذويب الهوية الاسلامية وتعبيدنا للظلمة وتمييع الدين
بالاضافة الى ان العلوم المادية البحتة كالرياضيات والفيزياء ونحوها أغلبها حشو لا فائدة منه للقطاع العريض من الطلبة.
وربنا يعينك انت وولادك على السير ضد التيار
ليست هناك تعليقات:
إرسال تعليق